ស្នងការនគរបាលខេត្តកំពត ខេត្តកែប និងខេត្តព្រះសីហនុ ចូលរួមប្រជុំបូកសរុបកិច្ចសហប្រតិបត្តិការ ការពារសន្តិសុខ រក្សាសណ្តាប់ធ្នាប់ព្រុំដែនឆ្នាំ២០១៨ និងទិសដៅសហការឆ្នាំ២០១៩ រវាងមន្ទីរនគរបាលខេត្តគៀងយ៉ាង
07-November-2018 | ដោយ ពលមនសិការ
ព្រះសីហនុ៖ នៅថ្ងៃទី០៧ ខែវិច្ឆិកា ឆ្នាំ ២០១៨ មន្ទីរនគរបាលខេត្តគៀនយ៉ាងនៃសាធារណៈរដ្ឋសង្គមនិយមវៀតណាមបានប្រារព្ធពិធីប្រជុំបូកសរុបកិច្ចសហប្រតិបត្តិការ ការពារសន្តិសុខ រក្សាសណ្តាប់ធ្នាប់ព្រុំដែនឆ្នាំ២០១៨ និងទិសដៅសហការឆ្នាំ២០១៩ រវាងមន្ទីរនគរបាលខេត្តគៀងយ៉ាង វៀតណាម ជាមួយស្នងការដ្ឋាននគរបាលខេត្តកំពត ខេត្តកែប និងខេត្តព្រះសីហនុ នៃព្រះរាជាណាចក្រកម្ពុជា។
កិច្ចប្រជុំបូកសរុបកិច្ចសហប្រតិបត្តិការទេ្វភាគីនេះសមភាពចូលរួមមាន ខេត្តកំពត ដឹកនាំប្រតិភូដោយ លោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការ នៃស្នងការដ្ឋានខេត្តកំពត ជាប្រធានប្រតិភូ ខេត្តកែប ដឹកនាំដោយលោកឧត្តមសេនីយ៍ត្រី បែន តារា ស្នងការនៃស្នងការនគរបាលដ្ឋានខេត្តកែប ជាប្រធានប្រតិភូ ខេត្តព្រះសីហនុ ដឹកនាំប្រតិភូដោយលោកឧត្តមសេនីយ៍ត្រី ហ៊ុន សុរិទ្ធី ស្នងការរងផែនអន្តោប្រវេសន៍ តំណាងអោយឯកឧត្តមឧត្តមេសនីយ៍ទោ ជួន ណារិន្ទ ស្នងការនៃស្នងការដ្ឋាននគរបាលខេត្តព្រះសីហនុជាប្រធានប្រតិភូ និងលោកស្រីឧត្តមសេនីយ៍ត្រី ប៊ូយ ទ្វៀតមិញ នាយកមន្ទីរនគរបាលខេត្តគៀងយ៉ាងជាប្រធានប្រតិភូ។
យោងតាមរបាយការណ៍ទ្វេភាគីក្នុងឆ្នាំ២០១៨ ជារួមសភាពការណ៍ទូទៅរវៀងខេត្តទាំងបី(កម្ពុជា) និងខេត្តគៀងយ៉ាង(វៀតណាម) ដែលជាខេត្តជាប់ខ្សែបន្ទាត់ព្រំដែនសមុទ្រ គឺមានភាពល្អប្រសើរដោយពីមួយថ្ងៃទៅមួយថ្ងៃភាគីទាំងពីរបានបង្កើនការសាមគ្គីភាព យ៉ាងជិតស្និទសហប្រតិបត្តិការល្អ ដោយបានផ្តល់ព័ត៌មានអោយគ្នាទៅវិញទៅមកតាមរយះលិខិតស្នាម ទូរស័ព្ទដៃ ប្រព័ន្ធបចេ្ចកវិទ្យា និងការជួបផ្ទាល់ ដើម្បីផ្តល់ព័ត៌មានអំពីសភាពការណ៍សន្តិសុខ និងសភាពការណ៍បទល្មើស មានពាក់ព័ន្ធដល់ប្រទេសជាតិ និងខេត្តទាំងបួន ធ្វើអោយសភាពការណ៍សន្តិសុខនៅតាមបន្ទាត់ព្រំដែននៃខេត្តទាំងបួនមានលក្ខណៈល្អប្រសើរមិនមានអ្វីគួរអោយកត់សម្គាល់ឡើយ។
ក្នុងអង្គពិធីនៃកិច្ចប្រជុំកិច្ចសហប្រតិបត្តការណ៍ទ្វេភាគីនេះស្នងការនគបាលនៃខេត្តទាំងបួនបានផ្លាស់ប្តូយោបល់គ្នា និងលើកទិសដៅឆ្នាំ២០១៩បន្តពង្រឹងកិច្ចសហប្រតិបត្តការ ការពារសន្តិសុខសណ្តាប់ធ្នាប់ តាមខ្សែបន្ទាត់ព្រំដែននៃប្រទេសទាំងពីរអោយមានភាពកាន់តែល្អប្រសើរឡើងពីមួយឆ្នាំទៅមួយឆ្នាំ។
ភាគីខេត្តទាំងបួនខេត្តបានវាយតម្លៃខ្ពស់និងបានចុះហត្ថលេខាលើកំណត់ហេតុសហប្រតិបត្តិការឆ្នាំ២០១៩ របស់មន្ទីរនគរបាលខេត្តគៀងយ៉ាង និង ស្នងការដ្ឋាននគរបាលខេត្តកំពត ខេត្តកែប និង ខេត្តព្រះសីហនុ និងផ្លាស់ប្តូរវត្ថុអនុស្សាវីយ៍រវាងគ្នានិងគ្នា រួមទាំងពិសារភោជនិយ៍អារហារជុំគ្នាក្នុងន័យរឹតបន្តឹងចំណងមិត្តភាពវៀតណាមកម្ពុជាប្រកបដោយក្តីសោមនោសរីករាយ៕
ចំនួនអ្នកទស្សនា
- ថ្ងៃនេះ15171
- ម្សិលមិញ11441
- សប្តាហ៍នេះ45001
- ខែនេះ160151
- ឆ្នាំនេះ160151
- សរុប20602607